Welaýatda ýerleri ýaz ekişine taýýarlamak işi guramaçylykly alnyp barylýar. Şu ýylda daýhan birleşikleriniň ekin meýdanlaryna gowaça ekijileriň 300-e golaýyny çykarmak meýilleşdirilýär. Etraplaryň tehniki hyzmat ediş kärhanalarynyň hünärmenleriniň tagallalary bilen, olaryň köpüsi eýýäm ýaz ekişine taýýar. Saýat, Çärjew, Halaç, Dänew, Hojambaz etraplarynyň kärhanalarynyň işgärleri ýokary işjeňlik görkezýärler. Welaýat boýunça 1 müňden gowrak kultiwatorlaryň 90 göterimden gowragy işe taýýar edildi.
Etraplaryň tehniki hyzmat ediş kärhanalarynda, hojalyklaryň merkezleşdirilen ussahanalarynda şu möwsümde ulanyljak oba hojalyk gurallarynyň beýleki görnüşleri hem abatlanyldy. Bu işde Türkmenabadyň tejribe-synag abatlaýyş zawodynyň hünärmenleri, traktorlaryň, oba hojalyk gurallarynyň şaýlaryny öndürmek bilen, daýhanlara ýakyndan goldaw berýärler.
Teswirler