“Ýedidogan” haryt nyşany bilen iýmite zyýansyz kraft torbalar indi Aşgabat şäherindäki dürli satuw nokatlaryndan almaga mümkinçilik bar.
Sütün görnüşindäki witrinada “Ýedidogan” kraft paketleriniň dürli ölçeg we dizaýnlary asylgy ýagdaýda müşderilere hödürlenýär. Bu kraft torbalar esasan sowgatlyk, töý märekelerde we iýmit gaplamalarynda giňden ulanylýar.
Bu sowgatlyk torbalary paýtgagt Aşgabat şäheriniň “Ruhubelent market”, “MSM Supermarket”, “Şazada market”, “City market”, “Şelpeli market”, “Buýsanç market”, “Market № 1” ýaly söwda nokatlaryndan satyn alyp bolar. Bu satuw nokatlary günsaýyn köpelýär.
Bu satuw witrinalarynyň dükanlara ýaýradylmagynyň esasy maksady müşderilere özlerine iň ýakyn ýerden almaga mümkinçilik döretmek.
“Ýedidogan” kraft kagyz önümleri öz hili bilen tapawutlanýar. Iýmite zyýansyz bolan kraft kagyzy gaplaryny öndüriji bu haryt nyşany geçen ýylyň ahyrynda alan ISO:9001 halkara standart sertifikaty bilen muny tassyklady.
2017-nji ýylda Türkmenistanyň Senagatçylar we telekeçiler birleşmesiniň agzasy Döwran Abdyrasulow tarapyndan esaslandyrylan kärhanada «Ýedidogan» haryt nyşanly kraft kagyzlaryň gaplama önümçiligi alnyp barylýar. Ahal welaýatynyň Akbugdaý etrabynyň senagat zolagynda ýerleşýän kärhanada Russiýa Federasiýasyndan çigmal görnüşinde getirilýän kagyzlardan ýokary hilliligi bilen tapawutlanýan kraft haltalar, dürli görnüşli we ölçegli kraft torbalar, 7 görnüşli iýmit önümlerini we dürli sowgatlyklary gaplamak üçin islege görä kesilip berilýän kagyzlar öndürilýär.
Germaniýa Federatiw Respublikasynyň öňdebaryjy tehnologiýalary bilen awtomatlaşdyrylan kärhana doly güýjünde işledilende, sagatda 13 müň kagyz torba çykarmaga ukyply bolup, 1 aýyň dowamynda 2 milliondan gowrak önüm öndürilýär. Kärhanada önümçilik maksady bilen üç sany çigmal—kagyz, ýelim, reňk peýdalanylýar. Olaryň adam saglygyna zyýansyzlygy barada kärhana halkara ISO güwänamasy hem gowşuryldy. «Ýedidogan» haryt nyşanly kraft kagyzlary berkligi, ekologiýa taýdan arassalygy, tebigata we adam saglygyna zyýansyzlygy bilen aýratyn tapawutlanýar. Kagyz torbalaryň iň kiçisi 3 kilograma çenli, iň ulusy bolsa 12 kilograma çenli agyrlykda ýük götermäge niýetlenendir.
Üstümizdäki ýylyň dowamynda «Ýedidogan» haryt nyşanly kraft kagyzlaryny gaplaýan kärhana öz önümlerini daşary ýurtlara eksport etmegi meýilleşdirýär.
Şeýle-de okaň:
“Ýedidogan” haryt nyşany üçin halkara standart sertifikaty gowşuryldy
«Ýedidogan» çagalara şatlyk paýlady
“ÝEDIDOGAN” bilen ekologiýany arassa saklalyň!
Döwran Abdyrasulow TITUKI-niň talyp ýaşlary bilen duşuşyk geçirdi
Teswirler