Gazagystan Respublikasynyň Prezidenti Kasym-Žomart Tokaýew “GDA+” formatyny döretmek baradaky teklibi bilen çykyş etdi diýip. Bu barada ol Moskwada geçirilen Garaşsyz Döwletler Arkalaşygynyň Döwlet Baştutanlarynyň mejlisiniň dowamynda habar berdi. Bu kakar Arkalaşygyň sebit gatnaşyklarynyň giňeldilmegine gönükdirilendir.
“GDA-nyň halkara arenadaky abraýy barha ösýär. Geçen ýyl GDA-nyň gözegçi we hyzmatdaş derejeleri döredildi, bu bolsa Guramamyzyň açyklygynyň we ösen derejesiniň şaýady boldy. Bu institusional işiniň dowamy hökmünde “GDA+” formatyny döretmek meselesini ara alyp maslahatlaşmagy teklip edýärin” – diýip, Tokaýew täze meýdançanyň Arkalaşygyň sebit gatnaşyklarynyň giňeldilmeginde esas boljakdygyny belledi.
Moskwanyň Uly Kreml köşgünde geçirilen GDA sammitiniň netijeleri boýunça birnäçe resminamalara gol çekilip, olar söwda-ykdysady, medeni-ynsanperwer ugurlary hem-de howpsuzlyk boýunça integrasiýa gatnaşyklarynyň mundan beýläk-de ösdürilmegine we pugtalandyrylmagyna gönükdirilendir.
Almagül AMANMYRADOWA,
Döwletmämmet Azady adyndaky
Türkmen milli dünýä dilleri
institutynyň talyby.
Teswirler