Ýaňy ýakynda Türkmenistanyň inžener-tehniki we ulag kommunikasiýalary institutynda (TITUKI) maşgalalaryň arasynda ,,Maşgalam-baş galam” atly sport ýaryşy geçirildi.
Ýaryşa özleriniň ýokary okuw mekdepleriniň adyndan maşgalalardan düzülen her biri 5 agzadan ybarat 3 topar gatnaşdy.
Gyzykly geçen ýaryşyň ahyrynda, 1-nji orna Türkmen döwlet binagärlik-gurluşyk instituty, 2-nji orna Ýagşygeldi Kakaýew adyndaky Halkara nebit we gaz uniwersiteti, 3-nji orna bolsa Inžener-tehniki we ulag kommunikasiýalary instituty mynasyp boldylar.
Maşgalalardan ybarat toparlar toplary bellenen çyzyga taýagyň kömegi bilen eltmek, mozaika düzmek, golf oýny, halkalary nyşana dogry geçirmek we toparlaýyn tanap çekmek ýaly 5 tapgyr boýunça bäsleşdiler.
Ýaryşyň esasy guramaçylygyny Türkmenistanyň Magtymguly adyndaky Ýaşlar guramasynyň Merkezi Geňeşi ýerine ýetirdi. Ýeňijileriň sowgatlaryny guramanyň Maglumat beriş bölüminiň müdiri Osman Muhyýew gowşurdy.
Kadyrmyrat ÖWEZGYLYJOW,
Türkmenistanyň Daşary işler ministrliginiň
Halkara gatnaşyklary institutynyň talyby
Teswirler