Germaniýanyň Wisband şäheriniň jemgyýetçilik ulaglary Türkmenistanyň şanly Garaşsyzlygynyň 30 ýyllygy we 2021-nji “Türkmenistan parahatçylygyň we ynanyşmagyň Watany” ýyly mynasybetli bannerleri asdylar. Bu barada turkmenportal habarlar gullugy habar berýär. Bu bolsa Wisband şäheriniň ilatyna Türkmenistanyň şanly wakalary bilen yzygiderli habarly bolmagyna mümkinçilik döredýär.
Bu ýazgylar şäher awtobuslarynda 2021-nji ýylyň aprel we maý aýlarynda saklanar.
Bu waka Ýewropanyň ösen döwletleriniň biziň ýurdumyza gönükdirýän ünsüniň birinji basgançagy däl. Hemmämize mälim bolşy ýaly, 2017-nji ýylda “Ýapyk binalarda we söweş sungaty boýunça V Aziýa oýunlary” geçirilende Germaniýanyň awtobuslary bu sene mynasybetli emblemalar bilen bezelipdi. 2020-nji ýylda bolsa Türkmen Bitaraplygynyň 25 ýyllygy mynasybetli Gessen şäheriniň awtobuslary bu senäni alamatlandyrýan bannerleri asdylar.
Malika EREŞOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary kafedrasynyň
II ýyl talyby.
Teswirler