Oba hojalygy pudagynda döwrebap tehnologiýalaryň ornaşdyrylmagy has-da güýçlenýär. Bu ugurda alnyp barylýan işler ekinleriň hasyllylygyny ýokarlandyrmaga, tebigy serişdeleri tygşytly peýdalanmaga we önümçiligiň netijeliligini artdyrmaga gönükdirilendir.
Häzirki wagtda daýhanlar tarapyndan damjalaýyn suwaryş ulgamlary giňden ulanylýar. Bu tehnologiýa suw serişdelerini tygşytlamaga mümkinçilik berýär we ösümlikleriň zerur mukdarda suw bilen üpjün edilmegini üpjün edýär. Şeýle hem, awtomatlaşdyrylan oba hojalyk tehnikalarynyň ulanylmagy zähmet öndürijiligini ep-esli ýokarlandyrýar.
Bilermenleriň bellemegine görä, sanly tehnologiýalaryň ornaşdyrylmagy hem möhüm ähmiýete eýedir. Meýdanlaryň ýagdaýyny gözegçilikde saklamak üçin dronlar we ýörite datçikler ulanylýar. Olar arkaly toprak çyglylygy, howa ýagdaýy we ösümlikleriň ösüş derejesi barada takyk maglumatlary almak mümkin bolýar.
Şeýle-de, häzirki wagtda “akylly oba hojalygy” (smart farming) düşünjesi giňden ýaýraýar. Bu ulgam maglumat tehnologiýalaryny peýdalanmak arkaly oba hojalyk işlerini dolandyrmagy ýeňilleşdirýär. Netijede, serişdeler tygşytly ulanylýar we has ýokary hasyl alynýar.
Oba hojalygynda innowasion tehnologiýalaryň giňden ornaşdyrylmagy geljekde azyk howpsuzlygyny üpjün etmekde möhüm orun eýelär. Şeýle ösüşler diňe bir ykdysadyýetiň ösmegine däl, eýsem daşky gurşawyň goralmagyna hem oňyn täsir edýär.
Çemen SAPARNIÝAZOWA,
S.A.Nyýazow adyndaky Türkmen oba hojalyk uniwersitetiniň
Ösümlik ýagyny öndürmek hünäriniň 3-nji ýyl talyby.
Teswirler