Durmuşda her bir adamyň iň möhüm zadynyň biri saglygy bolmagydyr. Şeýle-de bolsa, saglyk diňe fiziki ýagdaýdan ybarat däl, eýsem, psihologiki we emosional ýagdaýlaryň sazlaşygy hem bu ugurda örän möhümdir. Durmuşyň sazlaşygy, adamyň we onun aýrylmaz bölegi bolan jemgyýetiň saglyk ýagdaýynyň ýokarlanmagyna uly täsir edýär.
Ilkinji nobatda, durmuşyň sazlaşygy, adamyň özüni ruhy taýdan rahat we tolgunmasyz duýmagy bilen baglanyşar. Ruhy saglyk bilen baglanyşykly öňdebaryjy düşünje adamyň içki dünýäsinde oňyn pikirleriň we duýgularyň bolmagydyr. Şeýle ýagdaýda adamyň bedeni hem sagdyn bolýandyr. Sebäbi stres we negatiw duýgulardan azat bolmak, bedeniň we ýüregiň saglygyny goramak üçin möhümdir.
Şeýle-de, durmuşyň sazlaşygynda düzgünli iýmitlenmek, iş we dynç alyş arasyndaky deňagramlylyk, pozitiw pikirler we oňyn gatnaşyklaryň orny uludyr. Iýmitiň we suw içmegiň we düzgünli dem alyş ulgamynyň täsiri saglyk üçin juda möhümdir. Her bir adam öz durmuşy üçin has oňyn we durnukly şertler döretse, saglyk we bagtyýar durmuş üçin ägirt uly ýol açyp biler.
Garaşsyz, hemişelik Bitarap döwletimizde sagdyn durmuş ýörelgeleriniň kabul edilmegi öňe sürülýän wezipeleriň möhüm bölegi bolup durýar. Halkymyzyň sagdyn, ruhubelent we bagtyýar durmuşy üçin edýän hemişelik aladalary üçin Gahryman Arkadagymyzyň we Arkadagly Gahryman Serdarymyzyň janlary sag, ömürleri uzak bolsun, il-ýurt bähbitli işleri rowaçlyklara beslensin!
Läle BERDIÝEWA,
Myrat Garryýew adyndaky
Türkmenistanyň Döwlet lukmançylyk
uniwersitetiniň Medisina ekologiýasy
we gigiýena kafedrasynyň mugallymy.
Teswirler