Türkmenistanyň Bilim Ministrligi Wengriýanyň ýokary okuw mekdeplerinde bakalawr maksatnamasy boýunça dalaşgärleri saýlaýar.
Türkmenistanyň Bilim Ministrligi 2025/2026-njy okuw ýyly üçin Wengriýanyň ýokary okuw mekdeplerinde ýokary hünär bilimi almak isleýän raýatlardan resminamalary kabul edýändigini habar berýär. Resminamalar 2024-nji ýylyň 25-nji noýabryndan 10-njy dekabryna çenli Aşgabat şäherindäki Halkara ynsanperwer ylymlary we ösüş uniwersitetinde kabul edilýär.
Resminamalary kabul etmegiň şertleri.
Dalaşgärler aşakdaky talaplara laýyk bolmaly:
2025-nji ýylyň 31-nji awgustyna çenli 18 ýaşy dolan bolmaly.
Umumy orta bilimi tamamlan ýa-da 2024/2025-nji okuw ýylynda tamamlaýan bolmaly.
Tabşyrylmaly resminamalar:
Türkmenistanyň raýaty üçin bellenen nusga boýunça arza we sowalnama.
Dogluş hakynda şahadatnama (göçürmesi we tassyklanan terjimesi).
Hemişelik ýaşaýan ýerini tassyklaýan kepilnama.
Umumy orta bilimiň resminamasy (göçürmesi we tassyklanan terjimesi).
SAT, TOEFL ýa-da IELTS şahadatnamasynyň asyl nusgasy.ş
Türkmenistanyň Saglygy goraýyş we derman senagaty ministrligi tarapyndan tassyklanan saglyk güwänamasy.
Okan ýa-da işlän ýerinden häsiýetnama.
3×4 sm ölçegdäki 12 sany fotosurat.
Türkmenistanyň raýatynyň pasporty we ýurduň daşyna gitmek üçin pasport.
Harby şahadatnama ýa-da harby wekillikden güwä haty (degişli ýagdaýda).
Artykmaçlyklar:
Döwlet bäsleşikleriniň ýeňijileri.
Halkara bäsleşiklere gatnaşan we üstünlik gazanan okuwçylar degişli resminamalary tabşyrmaly.
Synag we saýlaw prosesi:
Dalaşgärler bilen iňlis dilinde söhbetdeşlik geçiriler. Zerur bolan halatynda, kabul ediş topary goşmaça maglumatlary talap edip biler. Nädogry berlen maglumatlar ýa-da galp resminamalar üçin dalaşgär şahsy jogapkärçilik çekýär.
Habarlaşmak üçin:
- Salgy: Aşgabat ş., 1958-nji (Andalyp) köçesi, 169
- Telefon: (+993 12) 39-85-62, 39-85-25
- E-mail: admissioniuhd@gmail.com
Dalaşgärler üçin hünärleriň sanawy we okuwyň şertleri barada giňişleýin maglumat kabul ediş toparyndan alynyp bilner.
Teswirler