Erbet maksatly adamlar gazanç etmegiň dürli ýollaryny tapýarlar. Şeýle usullaryň biri hem zyýansyz ýaly görünýän programmalary döretmek bilen olaryň üsti bilen gazanç edip, girdeji gazanmak bolup durýar. Erbet maksatly döredilen programmalar – ulanyjynyň kompýuterine aralaşyp ondaky möhüm resminamalary özüne alýar we serişde garşylygynda hakyky eýesine satýar. Mundan başga-da, islenilmeýän mahabatlary görkezýär.
«McAfee» atly şereketiň beren hasabatyna görä, häzirki güne çenli jemi 20 milliondan gowrak göçürilip alnan zyýanly programma üpjünçiligi bar. Bularyň ählisi işjeň ýagdaýda bolup olar erbet maksatly adamlara hyzmat edýär.
«McAfee» şereketi olaryň esasy onluga girýänini mälim etdi. Olardan: BusanBus, Currency Converter, EzDica, EzNotes, Flashlight+, Flashlight+, Flashlight+, High-Speed Camera, Instagram Profile Downloader, Joycode, K-Dictionary, Quick Note, Smart Task Manager – ýalylary bellemek bolar.
Ýokarda görkezilen programmalar ýönekeý we peýdaly ýaly görünýär. Birnäçe wagt geçensoň, bu programmalar işjeň ýagdaýa geçip, ulanyjynyň görmeýän görnüşinde mahabatlary işledip bikanun girdeji gazanmaga mümkinçilik berýär. Şeýle hem enjamyň çalt işlemegine, batareýanyň zaýalanmagyna we beýleki zyýanly programmalaryň ýüklenmegine mümkinçilik döredýär we başga-da birnäçe çykgynsyz ýagdaýlara ýol açýar.
Mähri MYRADOWA,
Türkmen döwlet binagärlik-gurluşyk
institutynyň mugallymy.
Teswirler