Berkarar döwletimiziň bagtyýarlyk döwründe hormatly Prezidentimiziň Karary bilen tassyklanan «Türkmenistanda 2019 — 2025-nji ýyllarda sanly ykdysadyýeti ösdürmegiň Konsepsiýasyna» laýyklykda, ýurdumyzyň ähli pudaklarynda uly işler durmuşa geçirilýär. Gahryman Arkadagymyz, sanly ykdysadyýete geçilmeginiň maýa goýum işjeňliginiň, döwlet dolandyryş ulgamyna öňdebaryjy tehnologiýalaryň ornaşdyrylmagynyň, täze iş orunlarynyň döredilmeginiň ösüşini üpjün etjekdigini belleýär. Konsepsiýa ykdysadyýetiň ähli pudaklarynyň we ýurdumyzyň jemgyýetçilik edaralarynyň işiniň netijeliligini maglumat tehnologiýalaryny ulanmagyň hasabyna ýokarlandyrmaga gönükdirilendir.
Dünýä tejribesinden belli bolşy ýaly, döwletiň ösüşinde, onuň durmuşynda maglumat tehnologiýalary möhüm orny eýeleýär. şeýle bolansoň, sanly ulgamy ählumumy babatda okatmagyň we bu ugurdaky bilim maksatnamalaryny kämilleşdirmegiň zerurlygynyň ýüze çykmagy tebigy ýagdaýdyr. şunuň bilen baglylykda, ýurdumyzda bu ulgamy we täzeçil maglumat-kommunikasiýa tehnologiýasyny ornaşdyrmak boýunça zerur işler alnyp barylýar. Maglumat-tehnologiýa ulgamy boýunça ýokary hünärli işgärler taýýarlanylýar. Mundan başga-da, sanly ulgam boýunça işgärleriň sowatlylygyny ýokarlandyrmak üçin ýörite maksatnama taýýarlandy. Ýokary okuw we beýleki mekdeplerde, hünäri kämilleşdiriş merkezlerinde bu ugurdan eýýäm degişli sapaklar geçilýär.
Häzirki döwürde durmuşymyza yzygiderli ornaşýan, hemmämiz üçin elýeterli bolan elektron tölegler, internet-söwda, internet-mahabatlandyrma sanlaşdyrylan ykdysadyýetiň oňyn netijeleriniň diňe käbiridir. Şunda maglumat tehnologiýalarynyň we internetiň mümkinçiliklerini giňden ulanmagyň netijesinde sarp edijileriň gymmatly wagtlarynyň we serişdeleriniň tygşytlanmagyna, hyzmatlaryň tiz wagtda ýerine ýetirilmegine, kagyz göterijide ulanylýan maglumatlaryň sanynyň azalmagyna-da sanlylaşdyrylan tehnologiýalaryň döredýän amatlyklary hökmünde baha bermek bolar.
Bize şeýle ajaýyp zamanany peşgeş beren Gahryman Arkadagymyzyň jany sag, ömri uzak bolsun, alyp barýan il bähbitli, ýurt ähmiýetli belent işleri mydama rowaç alsyn!
Döwran SAHADOW,
Türkmenistanyň Döwlet energetika
institutynyň mugallymy.
Teswirler