Hormatly Prezidentimiziň taýsyz tagallasy netijesinde her bir toýuň ýokary derejede toýlanmagy we halkymyzyň baýramçylyk ruhunyň has belende göterilmegi ugrundaky aladalar barha rowaçlanýar. Şu günler Diýarymyzyň ähli künjegi barha ýakynlaşýan Täze ýylyň şatlyk-şowhunly dabaralaryna beslenýär.
«Sahawatly söwda» diýlip atlandyrylýan çäre Aşgabat şäherinde we welaýatlarda ýerleşýän, Türkmenistanyň Senagatçylar we telekeçiler birleşmesiniň agzalaryna degişli bolan söwda we dynç alyş merkezlerindäki dükanlarda geçirilýär. Bu günlerde çagalar, erkekler we zenanlar üçin egin-eşikler, çaga oýunjaklary, mekdep harytlary we garyşyk harytlar arzanladylan bahalardan ilata hödürlenilýär.
Gahryman Arkadagymyz Täze ýyl baýramynyň öňüsyrasynda 25-nji dekabrdan geljek ýylyň 1-nji ýanwaryna çenli bazarlarda we dükanlarda senagat hem-de azyk harytlarynyň baýramçylyk satuwyny guramak, adamlaryň dogan-garyndaşlary we ýakynlary üçin sowgatlary alar ýaly hem-de Täze ýyl baýramyny gowy geçirer ýaly, käbir harytlaryň bahasyny 50 göterime çenli arzanlatmak barada beren tabşyryklary «Döwlet adam üçindir!» diýen baş şygaryň ýene bir ýola aýdyň dabaralanmasy boldy.
Saglyk RAHMANOW,
Türkmenistanyň Döwlet energetika
institutynyň mugallymy.
Teswirler