Ýurdumyzyň fotožurnalistleri “News Photo Awards. A Changing World” atly halkara bäsleşigine gatnaşmaga çagyrylýar. Bu bäsleşik Russiýanyň “TASS” habar gullugy tarapyndan guralýar.
Bäsleşik 4 ugur boýunça geçiriler. Ýagny: habarlar (“News”), adamlar we durmuş (“People & Lifestyle”), saglygy goraýyş (“Нealthcare”) we daşky gurşaw (“Environment”)
Her ugur boýunça iki ýeňiji saýlanar — Iň gowy ýekeleýin fotosurat we iň gowy fotosuratlar tapgyry. Bäsleşigiň baş baýragy mowzugy has aýdyň açyp görkezýän iň gowy fotosurata gowşurylar.
“News Photo Awards. A Changing World” bäsleşiginiň netijeleri 2022-nji ýylyň mart aýynda yglan ediler. Oňa gatnaşmak üçin resminamalar 2021-nji ýylyň 24-nji dekabryna çenli bäsleşigiň web saýtynda kabul edilýär.
Jeýhun MUHYÝEW,
Türkmen döwlet binagärlik-gurluşyk
institutynyň talyby.
Teswirler