Bahreýniň Isa-Town şäherinde geçýän Dewisiň Kubogy ugrunda zolak ýaryşynda Türkmen tennisçileri üçünji gezek ýeňiş gazandylar. Ildeşlerimiz Yragyň we Mongoliýanyň ýygyndy toparlaryny birmeňzeş – 3:0 hasabynda utandan soň, jemleýji oýunda dünýä tennis görkezijisinde 118-nji orny eýeleýän Omanyň toparyndan hem şeýle hasap bilen üstün çykdylar.
Türkmenistanyň tenis ýygyndysy bäsdeşleriniň ählisini utup, «В» toparda 1-nji orny eýeledi. Toparda ikinji orny eýeläniň haýsy topar boljakdygyny Yragyň we Mongoliýanyň ýygyndylarynyň 22-nji oktýabrdaky duşuşygynda belli bolar.
Utulan-çykdy tapgyryň oýunlaryndan güýçýli toparlaryň üçüsi indiki ýyl Aziýa we Okeaniýa III zolagynyň toparynda çykyş etmäge hukuk gazanar.
Daýanç MATNAZAROW,
D.Azady adyndaky TMDDI-niň
Iňlis dili we edebiýaty
fakultetiniň talyby.
Teswirler