2021-nji ýylyň ýanwar aýynyň 21-ne Türkmenistanyň saglygy goraýyş we derman senagaty ministrligi bilen Germaniýa Federatiw Respublikasynyň Federal saglygy goraýyş ministrligi arsynda saglygy goraýyş boýunça IX Türkmen-German forumy sanly wideoaragatnaşyk ulgamy arkaly öz işine başlady. Bu barada Türkmenistanyň DIM-niň web-sahypasynda habar berilýär.
Web-saýtda habar berilmegine görä foruma Türkmenistanyň saglygy goraýyş we derman senagaty ministri N.Amannepesow, ýurdumyzyň ylmy-kliniki merkezleriniň we Halkara saglyk merkezleri müdiriýetiniň ýolbaşçylary we wekilleri şeýle-hem Germaniýa Federatiw Respublikasynyň öňdebaryjy klinikalarynyň tanymal ylmy işgärleri we professorlary gatnaşýar.
Bu forumda häzirki wagtda lukmanlaryň ýüzbe-ýüz bolýan meseleleri we beýleki dürli ugrlar boýunça hünärmenleriň çykyşlary diňlenildi. Olar käbir meseleleriň anyk netijeli çözgütleriniň üstünde durup geçdiler.
Gülşat AGABAÝEWA
Döwletmämmet Azady adyndaky
Türkmen milli dünyä dilleri inistitutynyň
iňlis dili we edebiýaty fakultetiniň 1-nji ýyl talyby.
Teswirler