Türkmenistanyň Telekommunikasiýalar we informatika instituty hem-de Türkmenistanyň Magtymguly adyndaky Ýaşlar guramasynyň Merkezi Geňeşi bilen bilelikdäki “Web ýaryşy – 2020” atly bäsleşigi geçirildi.
Türkmenistanyň Magtymguly adyndaky Ýaşlar guramasynyň Merkezi Geňeşi we Türkmenistanyň Telekommunikasiýalar we informatika institutynyň guramagynda bu ýokary okuw mekdebiniň talyplarynyň arasynda Web-saýtlary döretmek boýunça geçirilen bäsleşigiň esasy maksady ýurdumyzyň ykdysadyýetini sanly ulgama geçirmekde Web tehnologiýalaryny ulanyp bilýän we olaryň esasynda täze çözgütleri döredip bilýän zehinli ýaşlary ýüze çykarmakdan ybaratdyr.
Sekiz sagadyň dowamynda dowam eden bu bäsleşigiň ýeňijilerine Türkmenistanyň Magtymguly adyndaky Ýaşlar guramasynyň Merkezi Geňeşi tarapyndan gymmat bahaly sowgatlary gowşuryldy.
Şeýle-de bäsleşige gatnaşanlaryň ählisine öz zehin başarjaňlyklaryny ýurdumyzyň ykdysadyýetini sanlaşdyrmaga gönükdirmek maksady bilen Türkmenistanyň Telekommunikasiýalar we informatika institutynyň hem-de “Türkmenaragatnaşyk agentliginiň” ýanynda döredilen “Sanly çözgüt IT meýdançasynda” döredijilik işleri bilen meşgullanmaga çakylyk berildi. Şeýle hem bäsleşikde ýeňiji bolanlar Türkmenistanyň Magtymguly adyndaky Ýaşlar guramasynyň Merkezi Geňeşi tarapyndan gymmat bahaly hem-de höweslendiriji sowgatlar bilen sylaglandylar.
Seýitmuhammet ANNABAÝEW
Türkmenistanyň Telekommunikasiýalar
we informatika institutynyň Magtymguly
adyndaky ilkinji Ýaşlar guramasynyň başlygy
Teswirler