“SpeedTest” maglumatlary ulanyp, dünýäde iň çalt ykjam internet operatorlary yglan etdi. Birleşen Arap Emirliklerinde ýerleşýän “Etisalat” ortaça tizligi 115,89 Mbit/s bilen birinji ýerde durýar.
Birleşen Arap Emirliklerinde ýerleşýän telekommunikasiýa operatory Etisalat “Ookla” tarapyndan dünýäde iň çalt mobil operatory diýlip yglan edildi. Geçirilen garaşsyz synaglara görä, “Etisalat” dünýäniň islendik sebitinde hyzmat edýän ykjam operatorlara garanyňda internet tizligini has ýokary hödürleýär.
“Ookla” tarapyndan yglan edilen maglumatlara görä, Etisalat, “Speed Score” kategoriýasyndan ortaça 98,78 bal aldy. Onuň göçürip almak tizligi 115,89 Mbit/s. “Ookla Speedtest” -iň maglumatlaryna görä, “Speed Score” kategoriýasynda 90-dan ýokary bal gazanan başga operator ýok.
Etisalat, 2020-nji ýylyň 1-2-nji çärýegi boýunça iň çalt ykjam internet operatory bolmagy başardy. Şeýle hem 2019-njy ýylyň 3-nji çärýeginde “Speedtest” baýragyny aldy. Kompaniýa indi iň çalt ykjam internetiň bardygyny resmi taýdan subut etdi.
“Speed Score” kategoriýasyndaky beýleki operatorlara ser salanymyzda, Günorta Koreýanyň SK Telecom-yň ortaça 89 baly bilen ikinji orunda durýandygyny görýäris. “Ooredoo” üçünji, “Vivacom” dördünji, “T-Mobile” bäşinji ýerde durýar.
Kerimberdi ATAÝEW,
S.A.Nyýazow adyndaky Türkmen
oba hojalyk uniwersitetiniň talyby.
Teswirler