Bägüller dünýäniň iň meşhur we halanylýan gülleriniň biridir. Olar öz ajaýyp reňkleri, ýakymly ysy bilen tanalýar. Bägüller söýginiň, hormatyň we gözelligiň nyşany hökmünde dürli ýurtlarda ulanylýar.
Bägülleriň taryhy gadymy döwürlere uzap gidýär. Olar ilkinji gezek Hytaýda, Gresiýada we Rimde ösdürilip ýetişdirilipdir. Gadymy grek we rim mifologiýasynda bägüller hudaýlaryň we patyşalaryň güli hasaplanypdyr.
Bägülleriň müňlerçe görnüşi bar. Olar reňklerine, ysyna we ösen ýerlerine görä tapawutlanýar. Esasy görnüşleri şulardan ybarat:
- Gyzyl bägül – söýginiň we joşgunyň nyşany;
- Ak bägül – päkligiň we bigünäligiň alamaty;
- Sary bägül – dostlugyň we şatlygyň nyşany;
- Gülgüne bägül – mähir we minnetdarlyk alamaty;
- Gök we gara bägüller – aýralygyň we umytsyzlygyň nyşany.
Bägülleri ösdürip ýetişdirmek üçin gün şöhlesi ýeterlik bolmaly, suwarmak kadaly ýagdaýda bolmaly, toprak minerallara baý we gurply bolmaly şeýle hem olary kesel we zyýan berijilerden goramak zerurdyr. Bägüller ýyly howany halaýarlar, şonuň üçin olary sowukdan goramak üçin gyş aýlarynda örtmek maslahat berilýär.
Bägüller diňe bir gözelligi bilen däl, eýsem dermanlyk häsiýetleri bilen hem meşhurdyr. Bägüller saglygy goraýyşda, parfýumeriýada we kosmetika önümlerinde giňden ulanylýar. Şeýle hem, bägüller toý dabaralarynda, baýramçylyklarda we dürli çärelerde bezeg üçin ulanylýar.
Atamyrat SEILOW,
Aşgabat şäherindäki Agrosenagat
orta hünär okuw mekdebiniň
talyby.
Teswirler