Dünýädäki iň uly uran öndüriji ýurt bolan Gazagystan häzirki wagtda ilkinji ýadro elektrik stansiýasynyň gurluşygyna başlaýar. 12 milliard dollarlyk taslama Gazagystanyň energiýa landşaftyny hemişelik üýtgedip biler.
Gazagystanyň Prezidenti Kasym-Žomart Tokaýew: “Bu etap çaltlaşdyrylmaly, sebäbi Gazagystan milli zerurlyklary kanagatlandyrmak üçin goşmaça energiýa kuwwatyny talap edýär” – diýip öz çykyşynda belläp geçdi.
Gazagystanyň raýatlary halk arasynda geçirilen ses berişlikde ýadro energiýasynyň ösüşini goldady. 2024-nji ýylyň 6-njy oktýabrynda Gazagystanda bu mesele boýunça ses berişlik we sala salşyklary geçirildi. Saýlawçylaryň takmynan 70 göterimi ýadro desgasynyň gurluşygyny goldady. Bu desga Gazagystanyň günorta-gündogar böleginde, Balhaş kölüniň golaýynda gurlar.
Ýeri gelende belläp geçsek, Gazagystanda gaýtadan dikeldilýän energiýa çeşmelerini ulanýan köp sanly energiýa desgasynyň bardygy mälimdir.
Mergen KERIMOW,
Türkmenistanyň Serhet institutynyň mugallymy.
Teswirler