Baýramgül Motyýewna Orazdurdyýewany Türkmenistanyň Ministrler Kabinetiniň Başlygynyň orunbasary wezipesine belläp, ony Türkmenistanyň bilim ministri wezipesinden boşatmaly.
Türkmenistanyň Prezidenti Serdar BERDIMUHAMEDOW.
Aşgabat şäheri, 2024-nji ýylyň 12-nji iýuly.
Baýramgül Motyýewna ORAZDURDYÝEWA
1975-nji ýylda Balkan welaýatynyň Gyzylarbat şäherinde doguldy. 1996-njy ýylda Magtymguly adyndaky Türkmen döwlet uniwersitetini tamamlady. Bilimi boýunça hünäri hukukçy.
Zähmet ýoluna 1996-njy ýylda Magtymguly adyndaky Türkmen döwlet uniwersitetiniň konstitusiýa hukugy kafedrasynyň mugallymy wezipesinde başlady. Şol ýokary okuw mekdebinde 1996 — 1998-nji ýyllarda aspiranturada okady. 1998 — 2014-nji ýyllar aralygynda Türkmen döwlet uniwersitetinde dürli wezipelerde işledi.
2013-nji ýylda Türkmenistanyň Mejlisiniň dördünji çagyrylyşynyň deputatlygyna saýlanyldy.
2014 — 2017-nji ýyllarda Türkmenistanyň bilim ministriniň ýokary we orta hünärmen mekdepler boýunça orunbasary boldy. 2017 — 2024-nji ýyllarda Magtymguly adyndaky Türkmen döwlet uniwersitetiniň rektory wezipesinde işledi.
2024-nji ýylyň fewralyndan bäri Türkmenistanyň bilim ministri.
“Türkmenistanyň Bitaraplygynyň 25 ýyllygyna” hem-de “Türkmenistanyň Garaşsyzlygynyň 30 ýyllygyna” atly ýubileý medallary bilen sylaglanyldy.
Teswirler