2023-2024-nji okuw ýylynda Russiýa Federasiýasynyň Başgyrdystan Respublikasynyň ýokary okuw mekdeplerinde okaýan türkmenistanly talyplaryň sany 2020-e ýetdi. Bu bolsa GDA ýurtlarynyň arasynda iň ýokary görkezijidir.
Başgyrdystanyň uniwersitetlerinde we şahamçalarynda şu okuw ýylynyň dowamynda jemi 105 müň talyp okaýar. Türkmenistandan başga-da, Täjigistandan (1472 adam), Özbegistandan (544 adam) we beýleki goňşy ýurtlardan köp sanly talyplar okap bilim alýarlar.
Ýeri gelende belläp geçsek, Aziýadan we Afrikadan, hususan-da Hindistandan, Müsürden, Hytaýdan hem-de beýleki ýurtlardan bolan talyplar ýokary bilim almak üçin Başgyrdystan Respublikasyna gelýärler. Daşary ýurtly talyplar hem býujet esasynda, hem tölegli esasda okaýarlar.
Maýa MEREDOWA,
Türkmenistanyň Döwlet energetika
institutynyň talyby.
Teswirler