Häzirki wagtda ylym-bilimli ýaş nesli kemala getirmek döwrüň iň wajyp meseleleriniň biri bolup orta çykýar. Arkadag Serdarly bagtyýar ýaşlar ýyly diýlip yglan edilen 2023-nji ýylymyzda hem bilim ulgamynyň kämilleşdirilişi barha artýar. Munuň şeýledigine sebitde iň ilkinji “akylly” şäher diýlip ykrar edilen Arkadag şäherinde gurlup ulanylmaga berlen ylym-bilim ojaklary aýdyň şaýatlyk edýär. Aba Annaýewa adyndaky Halkara atçylyk akademiýasy, Berdimuhamet Annaýew adyndaky Arkadag şäher mugallymçylyk mekdebi we Saçly Dursunowa adyndaky Arkadag şäher lukmançylyk mekdebi hut şu ýylymyzdan başlap özüniň ilkinji talyplaryny kabul edip başlady. Bu bolsa eziz Diýarymyzda ylym-bilime goýulýan sarpanyň has-da belentliginden habar berýär. Arkadag Serdarly bagtyýar ýaşlar ýylymyzda ýokary okuw mekdepleriniň arasynda we halkara derejesinde köpsanly dürli ugurlar boýunça açyk internet olimpiadalary yzygiderli geçirilmegi bilim ulgamynyň barha ösüşlere beslenýändiginden bir-birinden zehinli ýaşlaryň ýüze çykýanlygyndan habar berýär.
Ogulmaral BILIŞOWA,
Döwletmämmet Azady adyndaky
Türkmen milli dünýä dilleri
institutynyň mugallymy.
Teswirler