– Nahar başynda ýaramaz, ýakymsyz zatlar barada gürrüň etmeli dälmiş. Allatagalanyň hoşuna gelmezmiş.
– Metjide gireniňde sag aýagyň bilen girmek, çykanyňda çep aýagyň bilen çykmak Allatagala hormat-sylag etdigiňdir.
– Nahar iýmeklikde nobat ulularyňkydyr. Suw içmeklikde nobat kiçiniňkidir.
– Derýanyň köprüsinden geçeniňde ýagşy dilegler etmeli. Derýalar Hydyr görendirler, şonuň üçin hem dilegleriň kabul bolarmyş.
– Pyçagy birine uzadanyňda sap tarapy bilen uzatmalymyş. Perişdeler gorkarmyş.
– Suwa tüýkürmeklik külli günä, «döwletiň gaýdar» diýilýär.
– Özüňi öwmeklerinden lezzet almaklyk Allatagalany sylamadygyň bolarmyş.
– Azap siňen zat ýaramaz-da bolsa, oňa aýawly çemeleşmek, hormatlamak ynsanyň borjudyr. Şeýle etmedik adam gowulyga garaşmaly däldir.
Toplan: Merjen AGAÝEWA,
Magtymguly adyndaky Türkmen
döwlet uniwersitetiniň talyby.
Teswirler