Berkarar döwletiň täze eýýamynyň Galkynyşy döwründe Arkadagly Serdarymyzyň başda durmagynda milli ykdysadyýeti dünýäniň ösen döwletleriniň derejesine çykarmakda möhüm çäreler, başlangyçlar durmuşa geçirilýär. Ykdysadyýetiň ähli pudaklarynda dünýä ýurtlarynyň tejribesinde oňyn netijesini görkezen täzeçil tehnologiýalar, usullar ornaşdyrylýar.
Sanly ykdysadyýete geçilmegi şu günüň wajyp wezipesine öwrüldi. Bu meseläniň oňyn çözgüdini gazanmak maksady bilen “Türkmenistanda 2019 — 2025-nji ýyllarda sanly ykdysadyýeti ösdürmegiň Konsepsiýasyny tassyklamak hakynda” Karar kabul edildi. Bu Konsepsiýa ýurdumyzda sanly ulgama geçilmeginde täze mümkinçilikleri açýar. Kämil ulgama geçilmeginiň zähmet öndürijiligini ýokarlandyrmakda, bäsleşige ukyply önümçiligi ýola goýmakda, hyzmatlar çygrynyň işini täzeçe guramakda bähbitli taraplary örän köpdür. Şonuň üçinem täze ulgama geçilmegi bilen bagly işler uly üstünliklere eýe bolýar. Sanly ulgamyň jemgyýetimiziň durmuşyna giňden ornaşdyrylmagynda aýgytly ädimleriň ädilmegi gowy netijesini berýär.
Ykdysadyýetiň pudaklarynda sanly ulgamyň ornaşdyrylmagy döwletimiziň innowasion ösüşe esaslanýan täze durmuş-ykdysady modeliň binýadyny goýýandygyny alamatlandyrýar. Öz gezeginde, tehnologik ösüş ýagty geljegi kepillendirýär. Ine, şeýle özgertmeler bolsa Arkadagly Serdarymyzyň parasatly baştutanlygynda üstünlikli amala aşyrylýan beýik işlerden gözbaş alýar.
Merjen BAKYÝEWA,
Türkmen döwlet maliýe institutynyň talyby.
Teswirler