«International Business Machines Corp.» şereketi kwant kompýuteri bilen işleýän dünýädäki iň uly sowadyjy enjamy ýasandygyny mälim etdi. Şereketiň hünärmenleri, «Goldeneye» diýlip atlandyrylan dünýädäki iň uly sowadyjy enjamyň kömegi bilen ylmy açyşlarda möhüm işleri ýerine ýetirip boljakdygyny aýdýarlar.
Hünärmenler, sowadyjylaryň käbir çäklendirmelerini aradan aýyrmak üçin dünýädäki iň uly sowadyjy enjamy ýasandyklaryny belläp geçýärler. Mälim bolşy ýaly, kwant synaglarynyň has täsirli bolmagy üçin bu synaglaryň köpüsi aşa sowuk şertlerde geçirilýär. Temperaturanyň aşa pes we energiýanyň nola deň bolan gurşawyny döretmek örän kyn bolup durýar.
Dünýädäki iň uly maglumat tehnologiýa kompaniýalarynyň biri bolan «IBM» – göwrümi 1,7 kub metr bolan «Goldeneye» atly dünýädäki iň uly sowadyjy enjamy ýasamagy başardy. Sowadyjy enjam öýdäki aşhana sowadyjylarynyň üçüsi ýaly bolup, kosmos temperaturasyndan hem sowuk ýagdaýda işlemäge ukyplydyr.
«Goldeneye» sowadyjysyny dört adamdan ybarat topar bilen az wagtyň içinde gurnap we söküp bolýar. Dizaýn tarapdan sowadyjynyň daşky keşbi örän ýönekeý bolup, beýleki sowadyjy enjamlara garanyňda az ýeri eýeleýär. Hünärmenler ýakyn wagtda dünýädäki iň uly sowadyjy enjamyň ylmy barlaglarda we gözleglerde ulanylyp bilinjekdigini nygtaýarlar.
Wepa HAJYÝEW,
Ýagşygeldi Kakaýew adyndaky
Halkara nebit we gaz uniwersitetiniň
energetika we inženerçilik desgalary
fakultetiniň talyby.
Teswirler