Ýurdumyzyň welaýatlarynyň ýerli howa şertlerine baglylykda özüniň datly miweleri bilen tanalaýan Ahalyň waharmany, Lebabyň gülabysy, Daşoguzyň gürbek gawunlarynyň we beýleki derde derman ir-iýmişleri bilen tapawutlanýan Ahal, Balkan, Mary we Lebap welaýatlarynda asylly däbe görä 23-nji martda, biraz giç 30-martda Daşoguz welaýatynda gowaça ekişine hormatly il sarpaly ýaşulylylar ak pata berdiler.
Welaýat boýunça ‘’ak altyndan’’ 275 müň tonna hasyl almak meýilleşdirilýär. Her welaýatyň klimatik şertine görä ekerançylar orta süýümli pagtanyň “Daşoguz-120”, “Daşoguz-114”, “Gubadag-3”, “S-4727”, “Jeýhun”, “F-149”, “Ýolöten-39” ýaly görnüşlerini ýetişdirýärler.
Türkmenistanyň Prezidenti Serdar Berdimuhamedowyň tabşyryklary esasynda welaýatda ýerleri ekerançylyga taýýaralamak we gowaça idegi üçin kämil derejede bolan yokary öndürijilikli oba hojalyk tehnikalarynyň, traktorlarynyň 2552-si ulanylar. Şu traktorlaryň hatarynda ‘’John Deeri’’ we’’ CLAAS’’ ýaly dünýäniň iri kompanyýalaryndan satyn alynan traktorlar hem-de ekijilerden 454-si ekişi bökdençsiz ýerine ýetirmek üçin hyzmat eder. Ol ýerde ‘’Monosem’’ kompanyýasynyň sekiz hatarly ekijileri we beýleki enjamlary peýdalanylar.
Şol ýere ýygnanlar ekiş möwsümini wagtynda geçirmek we agrotehniki çäreleri talabalaýyk ýerine ýetirmek hem-de beýleki ekinlerden bol hasyl almak bilen bagly meseleleri tejribeli agronomlar, mehanizatorlar, kärendeçi –pagtaçylaryň gatnaşmagynda ara alyp maslahatlaşdylar.
Handurdy ORAZMUHAMEDOW
Türkmen oba hojalyk institutynyň mugallymy.
Teswirler