Italiýanyň zergärçilik kompaniýasy “Octo Finissimo Ultra” diýlip atlandyrylýan dünýäniň iň inçe mehaniki sagadyny öndürdi we satuwa çykardy.
Lýuks şaý-sepleri we esbaplary bilen tanalýan Italiýanyň “Bulgari” kompaniýasy tarapyndan öndürilen täze sagat dünýä rekordyny täzeledi.
Şereket, galyňlygy bary-ýogy 1,88 mm bolan dünýäniň iň inçe mehaniki sagadyny öndürdi. “Octo Finissimo Ultra” sagadynyň gurluşy titan bilen örtülen, arka tarapy bolsa wolfram karbidinden, içki bölekleri bolsa arassa gaty materiallardan edilendigi mälim edildi.
“Bulgari” şereketi sagady ýasamak üçin üç ýyl sarp edendigini habar berdi. “Octo Finissimo Ultra”-nyň öňki rekorda ýeten eýesi “Altiplano Ultimate Concept” sagadyndan öňe geçendigi mälim edildi. Sagatdan bary-ýogy 10 sany öndürildi. Her biriniň bahasy bolsa 440 müň dollara barabar.
Aýsoltan KAKABAÝEWA,
Döwletmämmet Azady adyndaky
Türkmen milli dünýä dilleri
institutynyň talyby.
Teswirler