Howa syýahat etmek sizde dartgynlylyga sebäp bolýan bolsa, şemally we oňaýsyz howa şertlerinde uçmak sizi has hem aladala goýup bolup biler. Esasanam gonuş wagtynda uçuş-gonuş zolagynyň ugruna görä uçardan bir tarapa güýçli ýel bar bolsa…
Oňaýly howa şertlerinde uçarlar uçuş-gonuş zolagyna kadaly ýagdaýda gonýarlar. Gonuş zolagyna golaýlanda uçaryň tizligi we beýikligi kem-kemden peselýär. Uçuş-gonuş zolagyna degmezden ozal uçaryň ugrukdyryjy bölümi birneme ýokarlanýar. Ýere degensoň, uçar duralga haýallyk bilen gelýär. Şeýle-de bolsa, uçuş-gonuş zolagy tarapdan güýçli ýel öwüsýän bolsa, gonuş wagtynda uçaryň ugruny üýtgetmegine sebäp bolýar. Bu ýagdaýda ýeliň ugry we güýji rugsat edilýän çäklerde bolsa, uçarmanlar uçuş-gonuş zolagyna göni däl-de, şemalyň ugruna görä saga ýa-da çepe egilmeli bolýar. Uçar şeýle ýagdaýda gonanda, uçaryň gonuş enjamlary ýere degmezden ozal uçarmanlar uçuşyň ugruny uçuş-gonuş zolagyna laýyklaşdyrýarlar.
Uçarmanlar howanyň ýagdaýyna görä, uçaryň yzky böleginde ýerleşýän kiçijik ugrukdyryjyny rul pedaly bilen süýşürip, öz isleglerine laýyklykda üýtgedip bilýärler.
Bahar PIRNYÝAZOWA,
Türkmen döwlet maliýe institutynyň talyby.
Teswirler