Häzirki wagtda akylly telefonlar kompýuteriň ornuny tutýar diýsek hem ýalňyşmarys. Ilkinji akylly telefon takmynan 29 ýyl öň peýda bolup, ol “Simon” diýlip atlandyrylýar.
Stiw Jobs 2007-nji ýylda ilkinji “iPhone” hödürläninden bäri ykjam aragatnaşyk tehnologiýalary we şeýlelik bilen smartfon düşünjesi çalt depginde ösdi. Ýöne bu 2007-nji ýyla çenli bu ugurda uly ädimleriň bolmandygyny aňlatmaýar. “Simon” ilkinji gezek 1992-nji ýylyň 23-nji noýabrynda ýörite geçirilen çärede tanyşdyryldy. Akylly telefon şol döwür “16MHz” prosessor, “1MB RAM” we “1MB” içki huşy ýaly aýratynlyklara eýedi. “Simon”-y jübüde göterip bolmaýardy, sebäbi biraz daşky gurluşy uludy.
“Simon” – “IBM” şereketi tarapyndan ýasalyp, akylly telefony şereket entek smartfon diýip häsiýetlendirilmeýärdi. Ajylly telefon şol döwür faks enjamy we jübüde göterilýän kompýuter hökmünde suratlandyrylýardy.
Telefon tanyşdyrylanyndan soň satuwa çykmasy üçin 2 ýyl gerek boldy. “Simon” dükan tekjelerinde 1994-nji ýylda satuwa çykdy. “Simon” duýgur ekrany bilen ulanyja programmalaryň sanawyny hem hödürledi. Şeýle-de bolsa, ýeterlik derejede mahabatlandyrylmadyk enjam täjirçilik taýdan garaşylýan üstünlige ýetip bilmedi we 6 aýyň içinde bazardan çykaryldy.
Her niçigem bolsa, “Simon”-yň häzirki akylly telefonlaryň öňüni çekiji bolup möhüm rol oýnaýandygyny bilmek zerurdyr.
Arzygül WELMÄMMEDOWA,
Ýagşygeldi Kakaýew adyndaky
Halkara nebit we gaz uniwersitetiniň
Energetika we inženerçilik desgalary
fakultetiniň talyby.
Teswirler