Alymlar her gün birnäçe täzelikler we oýlap tapyşlar edýärler. 2021-nji ýyl dünýä üçin kyn ýyl bolsa-da, tehnologiýa pudagynda düýpli üstünlikler gazanyldy. Beýleki tarapdan, koronawirus epidemiýasy geçen ýylyň oýlap tapyşlaryna-da täsir etdi. Ine, 2021-nji ýylda durmuşymyzy aňsatlaşdyran oýlap tapyşlar:
- Snowl / Barmak syçanjygy;
Süýem barmaga dakmak arkaly ulanyp boljak kiçijik syçanjyk “Snowl” diýlip atlandyrylýar. Bu enjam kompýuteriň ýa-da başga bir enjamyň el hereketi bilen we sensor panelini dolandyrmaga mümkinçilik berýär. - Lomi;
Kanadada ýerleşýän bir kompaniýa adamlara öý iýmit galyndylaryny diňe gaýtadan işlemäge mümkinçilik berýän enjam döretdi. “Lomi” diýlip atlandyrylýan bu enjam biodegrirlenip bilinýän galyndylary ýokumly dökünlere öwürýär. Global howanyň üýtgemegi daşky gurşawa çalt täsir edýän häzirki dünýäde bu enjam şu wagta çenli 48 million plastik haltany tygşytlady. - SiB;
Kiçijek görnüşi bilen tapawutlanýan “SiB” simsiz internet birikmesi bolan ýönekeý düwmeden ybaratdyr. Bu enjam, islendik zady etmek üçin programmalaşdyrylyp bilner. Gündelik zerurlyklary kanagatlandyrmak, habarlaşmak, jaň etmek we hatda howanyň temperaturasyny ölçemek ýaly köp funksiýasy bar. - Snoo – Akylly sallançak;
Akylly sallançak “Snoo” gijelerine çagalaryň ukusynyň hilini ýokarlandyrmak bilen meşhurlyk gazandy. Ene-atalar tarapyndan programmalaşdyrylyp bilinýän bu sallançak, bäbekleri elmydama gujagyňda ýaly duýmaga kömek edýär. Şeýle hem, bäbekleriň aglamagynyň öňüni almak üçin “5 sekuntlyk aýlaw” aýratynlygy bar.
Çynar SAPAROWA,
Döwletmämmet Azady adyndaky
Türkmen milli dünýä dilleri
institutynyň talyby.
Teswirler