Dünýädäki iň uly elektron söwda kompaniýasy bolan “Amazon” hem internet bulut hyzmatlary ýaly dürli ugurlarda işini dowam etdirýär.
1996-njy ýylda Amazon tarapyndan esaslandyrylan “Alexa.com” web sahypasy web sahypalaryň traffigi barada maglumat berýär we dürli statistiki maglumatlary hödürleýär. “Amazon” ýakynda web sahypasy bolan “Alexa.com”-yň ýapyljakdygyny habar berdi.
Kompaniýa 25 ýyl ozal döredilen “Alexa”-nyň 2022-nji ýylyň 1-nji maýyndan başlap ýapylýandygyny mälim etdi.
“Amazon” – “Alexa” barada beren beýanynda şeýle diýdi:
“ – 25 ýyl mundan ozal “Alexa Internet”-i açdyk. Sanly diňleýjileriňizi tapmaga, ýetmäge we öwürmäge kömek etmek üçin birnäçe ýyllap işlänimizden soň, 2022-nji ýylyň 1-nji maýynda “Alexa.com” saýtyny ýatyrmak barada gynançly karara geldik. Mazmuny öwrenmek we derňemek boýunça bizi saýlanyňyz üçin köp sag boluň.”
“Amazon”-yň “Alexa” internet hyzmatyna ýazylan abonentler 2022-nji ýylyň 1-nji maýyna çenli hyzmaty dowam etdirerler. Şeýle-de bolsa, kompaniýa täze abunalary we müşderileri kabul etmeýär.
Hesel GURBANGELDIÝEWA,
Döwletmämmet Azady adyndaky
Türkmen milli dünýä dilleri
institutynyň talyby.
Teswirler