Gazagystanyň Türkmenistandaky Adatdan daşary we Doly ygtyýarly ilçisi Erkebulan Sapiýew Aşgabatda Gazagystan Respublikasynyň Garaşsyzlygynyň 30 ýyllygyna bagyşlanan metbugat maslahatyny geçirdi. Bu barada Türkmenistanyň Döwlet habarlar agentliginiň turkmenistan.gov.tm web sahypasy habar berýär.
Duşuşygyň başynda Ilçi, häzirki wagtda dünýädäki çylyşyrymly ýagdaýlaryň täsirine garamazdan, azagystanyň ykdysadyýetiniň ynamly ösüş depginini saklap galandygyny belledi.
Geçirilen brifingde Gazagystan Türkmenistan bilen özara bähbitli hyzmatdaşlygy we dostluk-doganlyk gatnaşygy özüniň Garaşsyzlygnyň ilkinji günlerinden ýola goýulandygy bellenip geçildi.
E.Sapyýewiň bellemegine görä, 2020-nji ýylda iki ýurtlaryň arasyndaky söwda dolanşygy 128 million amerikan dollaryna barabar boldy. Şu ýylyň dokuz aýynyň görkezijileri bolsa 143 million amerikan dollaryndan geçdi, bu görkezijiler iki dost-doganlyk ýurdyň söwda-ykdysady hyzmatdaşlygyň ösüşine şaýatlyk edýär.
Surat çeşmesi: turkmenistan.gov.tm
Ataýew Serdar
Türkmen döwlet binagärlik-gurluşyk
institutynyň 3-nji ýyl talyby
Teswirler