«Türkmenaragatnaşyk» agentligi tarapyndan programma üpjünçilikleri işläp düzýän we innowasion oýlap tapmalar bilen meşgullanýan fiziki we ýuridiki şahslary ýüze çykarmak hem-de höweslendirmek maksady bilen yglan edilen «Sanly çözgüt — 2021» atly innowasion taslama bäsleşigi geçirildi.
Bäsleşigiň ýeňijileri 2021-nji ýylyň noýabr aýynyň 10-11-i aralygynda geçirilen «Türkmentel — 2021» XIII halkara serginiň we maslahatynyň dowamynda yglan edildi.
Türkmenistanyň Telekommunikasiýalar we informatika institutynyň talyplary we mugallymlary hem geçirilen innowasion taslama bäsleşigine gatnaşyp baýrakly orunlara mynasyp boldular. Olar:
- . Maglumat tehnologiýalary we programmirleme fakultetiniň Maglumat ulgamlary we tehnologiýalary hünäriniň 2-nji ýyl talyby Azamatow Serdar “Emeli aňy ýol hereketiniň howpsuzlygyny üpjün etmekde ulanmak” atly taslamasy bilen “Ulag we logistika” ugry boýunça 3-nji orna mynasyp boldy;
- . Aragatnaşygyň radiotehnologiýalary fakultetiniň Elektron howpsuzlyk ulgamlary hünäriniň 1-nji ýyl talyby Meredow Rejepdurdy “3 Ölçegli Himiýa tejribehanasy (laboratoriýasy)” atly taslamasy bilen “Ylym we bilim” ugry boýunça 3-nji orna mynasyp boldy;
- . Maglumat tehnologiýalary we programmirleme fakultetiniň Maglumat ulgamlary we tehnologiýalary hünäriniň 2-nji ýyl talyby Öräýew Serdar “Dermanhana” atly taslamasy bilen “Saglygy goraýyş” ugry boýunça 3-nji orna mynasyp boldy;
- . Maglumat tehnologiýalary we programmirleme fakultetiniň Hasaplaýyş torlarynyň programma üpjünçiligi hünäriniň 2-nji ýyl talyby Egenowa Leýli “Dostlaş” çat programma üpjünçiligi bilen gatnaşyp “Ylym we bilim” ugrunda 2-nji orna mynasyp boldy;
- . Önümçilik proseslerini awtomatlaşdyrmak fakultetiniň Awtomatlaşdyrma we amaly informatika hünäriniň 2-nji ýyl talyby Nurmuhammedow Süleýman “Duralga” atly programma üpjünçiligi bilen “Ulag we logistika” ugry boýunça 3-nji orna mynasyp boldy;
- . Önümçilik proseslerini awtomatlaşdyrmak fakultetiniň Awtomatlaşdyrma kafedrasynyň mugallymy Wepaýew Şirmuhammet “Öýjükli telefony işläp düzmek” atly taslamasy bilen “Senagat” ugry boýunça 3-nji orna mynasyp boldy;
Bäsleşigiň her bir ugry boýunça ýeňiji bolan taslamalar gymmat bahaly sowgatlar bilen sylaglanyp, diplomlar gowşuryldy.
Mährijemal NEPESOWA
Türkmenistanyň Telekommunikasiýalar we
informatika institutynyň mugallymy
Teswirler