Ýalkymyny saçyp otyr çarýana
Gözel ülkäm, ak şäherim Aşgabat
Waspyň sözläp,nazar kylsaň seýrana
Gözel ülkäm, ak şäherim Aşgabat
Keremli topragyň jadyly ýaly
Reňbe-reň gülleriň ýatladar ýazy
Dünýä gujak açýar dostlukly sazy
Gözel ülkäm, ak şäherim Aşgabat
“Aşgabat”
Berkarar döwleti gülzara beslän
Bagtyýar eýýamy Pyragy islän
Eziz Watanymyň giň goýny bossan
Gözel ülkäm,ak şäherim Aşgabat
Sähralaryň jana şypa her oty
Haýrana goýýandyr dal bedew aty
Adyňy ýazyp dur taryhyň gaty
Gözel ülkäm,ak şäherim Aşgabat
Gül-güzar eýleýip degre-daşyňy
Tylla güneş bu gün nuruny saçýar
Haýrana goýup sen dumly-duşuňy
Ak ýollarda baky bagtym Aşgabat
Eýýam içre sarsmaz tagtym Aşgabat
Binalaňda didelermiň agy bar
Owsunyp otyrlar çarýana bakan
Agzybir türkmeniň Arkadagy bar
Jebis birleşdirdi ili Aşgabat
Ykballaryň soňsuz ýoly Aşgabat
Merjene deňelýär bir daban ýeriň
Mukaddes topragyň keramat-kerem
Nazar aýladykça gandyrýar seriň
Joşgunly ummanyň bady Aşgabat
Jahan içre belent ady Aşgabat
Ak kepderiň ganat ýaýyp uçany
Sähralaňda gülleň gunça açany
Arkadagyň yhlasyndan guçany
Juwan kalplarmyza ylham Aşgabat
Şirin dillermize pynhan Aşgabat
Ogulmaral Meretgeldiýewa
Türkmenistanyň Telekommunikasiýalar we
informatika institutynyň 2-nji ýyl talyby
Teswirler