AFK kubogy toparçalaýyn tapgyryň birinji turundan orun alan «Hužand» – «Altyn Asyr» oýnynyň öňinden iki toparyň tälimçileriniň gatnaşmagynda metbugat konferesýasy bolup geçdi. Konferesiýanyň birinji bölüminde Türkmenistanyň «Altyn Asyr» toparynyň baş tälimçisi Ýazguy Hojageldiýew öz pikirlerini bildirdi.
-Birinji oýun hemişe kyn bolýar.Toparçada ýönekeý topar ýok. Öz mümkünçiliklerimize görä topardan çykmaga synanşarys.
-Toparyň şu turnira taýýarlygy nähili boldy, Öňiräk «Altyn Asyryň» ýaryşa gelmeýänligi hakynda habar çykypdy. Bu ýagdaý ertirki oýuna nähili täsir eder?
-Biz oňa kän bir ähmiýet beremizok. Iň soňyna çenli şu ýaryşa taýýarlandyk. Bilşiňiz ýaly häzir tutuş dünýäde pandemik ýagdaý höküm sürýär, şonuň üçin her hili habaryň çykmagyna dogry düşiniň. Biziň bar ünsimiz AFK oýunlaryna garadylan.
-Klub toparyň öňinde nähili maksat goýdy?
-Maksat her oýuna mynasyp taýýarlyk görmek we ýeňiş gazanmak. Galanyny wagt görkezer, birinji orunda ertirki oýun hakynda pikirlenýäs.
-Türkmenistan çempionaty heniz başlanok. Oýun tejribesi bilen bagly meseleler çykyp bilermi?
-Ýok, oýun taýýarlygyny ele almak üçin ýoldaşlyk duşuşyklaryny geçirip durdyk.
Ýeri gelende belläp geçsek «Altyn Asyryň» AFK-kubogyndaky ilkinji oýuny ertir sagat 21:05 de başlap ony Täjigistanyň «Варзиш» tele ýaýýlymy arkaly göni efirde beriler.
Maglumat üçin «Altyn asyr» toparynyň AFK-nyň kubogy ugrundaky ýaryşyň toparçalaýyn tapgyry üçin bellige aldyran futbolçylarynyň sanawy bilen tanyşalyň:
Derwezeçiler ― Mämmet Orazmuhammedow, Döwletýar Berdiýew, Döwletmuhammet Jallatow;
Goragçylar ― Mekan Saparow, Zafar Babajanow, Gurbangeldi Batyrow, Furkat Tursunow, Wezirgeldi Ylýasow, Güýçmyrat Annagulyýew, Faruh Matweýe, Yhlas Toýjanow;
Ýarym goragçylar ― Ahmet Ataýew, Selim Ataýew, Begmyrat Baýow, Begenç Akmämmedow, Röwşengeldi Halmämmedow, Welmyrat Ballakow, Ahmet Nurmedow, Myrat Annaýew.
Hüjümçiler ― Altymyrat Annadurdyýew, Berdimyrat Rejebow, Mihail Titow, Şamämmet Hydyrow, Begençmyrat Myradow, Rahman Myratberdiýew, Merdan Muhadow, Wahyt Wahydow, Oraz Orazow.
«Altyn asyr» yklym ýaryşynyň toparçalaýyn tapgyrynda «Hujand» (Täjigistan), «Alaý» (Gyrgyzystan) we «Nasaf» (Özbegistan) bilen güýç synanyşar.
Ýeri gelende bellesek paýtagtymyzyň «Altyn Asyr» topary 2018-nji ýylda şu ýaryşyň finalyna çenli baryp ýetipdi. 2019-nji ýylda bolsa merkezi aziýa sebitiniň toparçasynda ýeňiji bolmagy başarypdy.
Teswirler