Merkezi Aziýa ýurtlarynyň we Hytaýyň daşary işler ministrleriniň orunbasarlarynyň onlaýn-duşuşygy geçirildi. Türkmen wekillerine Türkmenistanyň Daşary işler ministriniň orunbasary Birdinyýaz Mätiýew ýolbaşçylyk etdi. Duşuşygyň baş maksady — «Merkezi Aziýa — Hytaý» dostlugy berkitmek babatda şu ýyl geçiriljek ministrleriň ikinji duşuşygyna taýýarlykdyr. Bu barada «Türkmenistan: Altyn asyr» saýty Türkmenistanyň daşary syýasat edarasyna salgylanyp habar berýär.
Gepleşikleriň barşynda syýasy, söwda-ykdysady, medeni ugurlardaky hyzmatdaşlygyň möhüm meselelerine seredildi. Mundan başga-da, taraplar «Merkezi Aziýa — Hytaý» gatnaşyklary boýunça ministrleriň öňde duran duşuşygynyň deslapky gün tertibine teklipleri hödürlediler we bilelikdäki jemleýji namalaryň taslamasyny geňeşdiler.
Baýramgeldi Hojaýew,
Türkmen döwlet binagärlik-gurluşyk institutynyň
Ýol gurluşygy fakultetiniň talyby.
Teswirler