2019-njy ýylda Türkmenistanyň Senagatçylar we telekeçiler birleşmesiniň düzümine ýene-de bir täze hususy kärhana goşuldy. Hususy telekeçi Isa Beýizow tarapyndan esaslandyrylan “Türkmen berk metal” kärhanasy döredilen gününden bäri halkyň isleg bildirýän önümlerini öndürmegi maksat edinýär. Bu hususy kärhananyň esasy önümleri kir ýuwujy, agardyjy, bio tämizleýji, lagym açyjy serişdeler hasaplanylýar. Kir ýuwujy serişdeleriň elde ýuwmak üçin, ýarym awtomat we awtomat kir ýuwujy maşynlar üçin öndürilýän kir ýuwujy serişdeleri “Emaý”, “Güneş”, “Ari”, “Arýa” ady bilen öndürilýän görnüşleri dürli ölçeglerde ýagny, 360 gram, 3 we 9 kg görnüşlerde öndürilýär.
Hususy kärhananyň hünärmeniniň gürrüň bermegine görä, “Ari” ady bilen çykarylýan kir ýuwujy serişderi täze önümler hasaplanylýar. Mundan başga-da hususy kärhana antiseptiki serişdeleri öndürmäge hem girişipdir. Onda antiseptiki serişdeleriň ele sepilýän görnüşi öndürilýär. Hususy kärhana şanly Garaşsyzlygymyzyň 30 ýyllyk baýramyna önümçiligini has-da giňeltmegi maksat edinýär.
Agamyrat SEÝIDOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň talyby
Teswirler