Kosmosda myhmanhana gurmak üçin ençeme ýyl bäri birnäçe işleri geçirýän Orbital Assambleýa Korporasiýasy (OAC), 2027-nji ýylda hyzmat edip başlamagyna garaşylýan myhmanhananyň bahasyny mälim etdi. Aýdylşyna görä, myhmanlar bu myhmanhanalarda dynç almak üçin birnäçe million dollar çykdaýjy etmeli bolarlar.
Adamzadyň kosmosa bolan garaýşy soňky birnäçe ýylda düýpgöter özgerdi. Şu nukdaýnazardan kompaniýalar, esasanam “SpaceX” adamlary kosmosa äkitmegi we hatda Marsda ýaşamak üçin öýleri gurmagy meýilleşdirýär. Bu taslamanyň durmuşa geçirilip-geçirilmejekdigi entek belli däl, ýöne belli bir wagtdan soň kosmosda dynç alyp biljekdigimiz bolsa mümkin bolar. Sebäbi “Orbital Assembly Corporation” (OAC) atly kompaniýa birnäçe wagt bäri kosmosda myhmanhana gurmaga synanyşýar.
Aslynda bu taslama, myhmanhana bilen bir hatarda kosmos stansiýasydyr. “Voyager” diýlip atlandyrylýan bu wokzal, adamlaryň ýaşap biljek ýeri hökmünde döredildi. Elbetde, bu ýerde ileri tutulýan ugur alymlar we kosmonawtlar bolsa-da, ýönekeý adamlar hem bu myhmanhana baryp, ýaşamaga mümkinçilik alarlar. Bu myhmanhanada 3 gün dynç almagyň tölegi, 5 million dollara barabar bolar. Bu kosmos myhmanhanasynda 5 ýyldyzly myhmanhananyň mümkinçiliklerinden hem oňat mümkinçilikler dörediler. Eger ähli zat bolmalysy ýaly gitse, bu myhmanhana 2027-nji ýylda ulanyşa giriziler.
Merdan BABAÝEW,
D.Azady adyndaky
TMDDI-niň talyby.
Teswirler