UFC-nyň ýeňil agramdaky çempiony Habib Nurmagomedow bilen Jastin Getjiniň arasyndaky söweş tomaşaçylaryň gatnaşmagynda geçirilip biler. Bu barada UFC-nyň Ýakyn Gündogar boýunça marketing bölüminiň müdiri Raşid Al-Said gürrüň berdi. Söweşiň Abu-Dabide geçirilýändigini ýatladýarys.
Raşid Al-Saidiň beýanatyny BJ PENN şeýle teswirleýär: «Häzirki wagtda UFC 254-e janköýerleri çekmegiň meselelerini öwrenýäris. Biz meýdançada söweşijileri we hyzmat ulgamynyň wekillerini janköýerlerden üzňe saklamagyň, şeýle hem olaryň howpsuz-hatarsyz söweş ýerine aralaşmagyny üpjün etmegiň aýry-aýry meselelerini seljerýäris. Eger ähli zat göz öňünde tutuşymyz ýaly amala aşsa, biz bu barada ýakyn wagtda habar bereris. Bu heniz doly mälim däl, ýöne şeýle meýiller bar. Men ähli zadyň gowy boljakdygyna ynanýaryn, ýöne saglyk we howpsuzlyk meselelerini aradan aýryp bolmaýar. Bu biziň üçin ileri tutulýan mesele bolmagynda galýar.»
Habib Nurmagomedow bilen Jastin Getjiniň arasyndaky söweş 24-nji oktýabrda geçiriler.
Şamämmet Begmämmedow,
TOHU-nyň talyby.
Teswirler