Bazar gatnaşyklary şertlerinde zähmet çekmegiň peýdasyna gowy düşünýän Marynyň «Ýeňiş» tikin kärhanasynyň ezber elli tikinçileri öz öndürýän ýokary hilli, ekologiýa taýdan arassa önümleri bilen bazardaky orunlaryny has-da berkidýärler. Olar esasan, erkek adamlara we çagalara niýetlenilen köýnekleri, şeýle-de harby we hukuk goraýjy edaralaryň buýurmasy boýunça köýnekleri, penjek-jalbarlary we ýörite geýimleri öndürýärler.
Taýýarlaýan geýim-gejimleri, dürli görnüşli lybaslaryň hil taýdan ýokary bolmagy müşderileriň sanyny artdyrýar. Bir çalşykda işleýän kärhanada şu günki gün biçimçilik we üç sany tikinçilik hem-de tejribe alyş bölümleri hereket edýär. Önümçilik bölümleriniň täze tehnologiýaly enjamlar bilen döwrebaplaşdyrylmagy, onuň hilidir mukdaryny artdyrýar. «Türkmenistan — Bitaraplygyň mekany» ýylynyň geçen 9 aýynda ýokary hilli önümler öndürilip, meýilnama 156 göterim ýerine ýetirilipdir. Önümler kärhana degişli 6 sany dükanyň, şeýle-de Türkmenistanyň Dokma senagaty ministrliginiň Aşgabat şäherinde we welaýatlarda ýerleşýän edara-kärhanalaryna ugratmak arkaly alyjylara ýetirilýär.
Şirmyrat Rejebalyýew,
S.A.Nyýazow adyndaky TOHU-nyň mugallymy.
Teswirler