«Professional Fighters League» (PFL) ýaryşynyň guramaçylary bilen Saud Arabystanynyň sport ministrligi hem-de Garyşyk söweş sungaty federasiýasy final tutluşyklaryny Saud Arabystanynyň Er-Riýad şäherinde geçirmek babatda ylalaşdy. Şoňa görä-de, «Professional Fighters League» (PFL) ýaryşynyň final tutluşyklary 2024-nji ýylyň 29-njy noýabrynda geçiriler. Şol gün türkmen türgeni, söweş sungatlarynyň garyşyk görnüşiniň türkmen ussady Döwletjan Ýagşymyradow hem final tutluşygyna çykar. Tutluşyklar ABŞ-da “EPSN+” platformasynda göni ýaýlymda alnyp berler.
Agyr, ýarym agyr, ýarym orta, ýeňil, ýarym ýeňil we zenanlaryň arasynda türgenler 1 million dollarlyk pul baýragy hem-de 2024-nji ýylyň çempiony diýen hormatly at üçin bäsleşerler.
Ildeşimiz Döwletjan Ýagşymyradow şol gün Impa Kasanganaý bilen bäsleşer. Türkmen türgeniniň garşydaşy Impa Kasanganaý amerikaly türgen bolup, Demoktarik Kongo Respublikasyndan Amerika göçüp gelen maşgalanyň agzasydyr.
Ýeri gelende belläp geçsek, Döwletjan Ýagşymyradow şu ýylyň 17-nji awgustynda «Professional Fighters League» (PFL) ýaryşynyň çäklerinde awstraliýaly Rob Uilkinsony ýeňlişe sezewar edipdi.
Sanjar ATAMYRADOW,
Türkmenistanyň Döwlet energetika
institutynyň talyby.
Teswirler