Boks boýunça ozalky dünýä çempiony Maýk Taýson bilen tanymal YouTuber Jeýk Polyň arasynda boljak tutluşygyň geçiriljek senesi yglan edildi.
Maýk Taýson we Jeýk Pol 2024-nji ýylyň 15-nji noýabrynda ABŞ-nyň Tehas ştatyndaky “AT&T” stadionynda duşuşarlar. Duşuşyk göni ýaýlymda “Netflix” arkaly dünýä ýüzünde görkeziler.
Aslynda tutluşyk 2024-nji ýylyň 20-nji iýulynda bolmalydy, emma duşuşyk geçen hepde Taýson uçarda syrkawlanyndan soň yza süýşürildi.
Ýeri gelende belläp geçsek, boksyň ýatdan çykmajak ýyldyzlaryndan biri bolan Maýk Taýson ABŞ-nyň Bruklin şäherinde (Nýu-Ýork) doguldy. Ol musulman dinini kabul edensoň, adyny Mälik Abdul Aziz diýip üýtgedi. Onuň lakamy “Demir Maýk” bolup durýar.
Jeýk Pol bolsa 1997-nji ýylyň 17-nji ýanwarynda ABŞ-nyň Ohaýo ştatynda doguldy. Onuň sosial media platformasynda 27 milliondan gowrak yzarlaýjysy bar.
Döwletmyrat AŞYROW,
Türkmen döwlet binagärlik-gurluşyk
institutynyň talyby.
Teswirler