20-nji oktýabrda Aşgabatda ekologiýa we medeni-ynsanperwer hyzmatdaşlygy ösdürmäge gönükdirilen «Ene tebigat» atly halkara sungat sergisiniň açylyş dabarasy geçirildi. Çärä Türkmenistanyň, Azerbaýjanyň we Özbegistanyň wekilleri gatnaşdy.
Sergi Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň goldaw bermeginde Azerbaýjanyň Geýdar Aliýew adyndaky gaznasy tarapyndan guraldy. Oňa Azerbaýjan gaznasynyň wise-prezidenti Leýla Aliýewa, Özbegistan Respublikasynyň Prezidentiniň Diwanynyň ýolbaşçysy Saida Mirziýoýewa hem-de Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti Oguljahan Atabaýewa gatnaşdy.
Halkara sergide tebigatyň gözelligini, daşky gurşawy goramagyň ähmiýetini we ösümlikdir haýwanat dünýäsiniň baýlygyny açyp görkezýän sungat eserleri görkezilýär. Çäräniň esasy maksady ekologik medeniýeti ösdürmek, ýaş nesilleriň tebigata aýawly garaýşyny kemala getirmek we sebitiň ýurtlarynyň arasynda tejribe alyşmagy goldamakdan ybaratdyr.
Sergi Türkmenistanyň, Azerbaýjanyň we Özbegistanyň medeni-ynsanperwer gatnaşyklaryny berkitmek hem-de ekologiýa meseleleri boýunça bilelikdäki başlangyçlary ilerletmek üçin möhüm meýdança bolup durýar. «Ene tebigat» sergisi 2026-njy ýylyň 30-njy noýabryna çenli Aşgabatda dowam eder.
Çeşme: Altyn Asyr Türkmenistan
Teswirler