FIFA 2026 dünýä çempionatynyň finalynda futbol janköýerlerine garaşylýan iň uly duşuşyklaryň biri geçiriler. Dünýäniň häzirki çempiony Argentina bilen Ýewropanyň çempiony Ispaniýa baş kubok ugrunda özara güýç synanyşar.
Argentina ýarym finalda Angliýa bilen geçirilen dartgynly duşuşykda 2:1 hasabynda ýeňiş gazanyp, yzly-yzyna ikinji gezek dünýä çempionatynyň finalyna çykdy. Topar duşuşygyň soňky minutlarynda hasaby öz peýdasyna öwrüp, häsiýetli oýny bilen ýeňşi gazandy.
Ispaniýa bolsa ýarym finalda Fransiýany 2:0 hasabynda ýeňip, finala ynamly ädim ätledi. Ispan futbolçylary duşuşygyň dowamynda topa gözegçiligi ele alyp, netijeli hüjümleri bilen garşydaşyna mümkinçilik bermediler.
Final duşuşygy 19-njy iýulda ABŞ-nyň Nýu-Ýork / Nýu-Jersi stadionynda geçiriler. Bu oýun diňe bir dünýä çempiony ady ugrunda däl, eýsem häzirki döwrüň iň güýçli milli ýygyndylarynyň arasyndaky göreş hökmünde hem uly gyzyklanma döredýär. Argentina dördünji dünýä çempionlygyny gazanmagy maksat edinýän bolsa, Ispaniýa öz taryhyndaky ikinji dünýä kubogyny eýelemäge synanyşar.
Futbol hünärmenleriniň pikirine görä, final ýokary depginde geçer. Argentina Lionel Messiniň ýolbaşçylygyndaky tejribeli düzüme bil baglaýan bolsa, Ispaniýa çalt kombinasion oýny we tertipli goragy bilen tapawutlanýar. Bu ýagdaý finaly FIFA 2026 dünýä çempionatynyň iň garaşylýan duşuşyklarynyň birine öwürýär.
Nurana Hojabaýewa,
Türkmenistanyň Telekommunikasiýalar we
informatika institutynyň talyby.
Teswirler