«Aşgabadym-Waspyň etsem şygrymda» bäsleşigine
Huzuruňa geldim seýle,
Ak şäherim Aşgabadym!
Myhman alyp kabul eýle,
Ak şäherim Aşgabadym!
Gördüm seni ýakyn ýerden,
Binalaryň altyn-zerden.
Ähli öwgi gaýtýar bärden,
Ak şäherim Aşgabadym!
Gijeleriň nurdan misli,
Täze aý dek şöhle saçýar.
Bagy-bossan gül diýarym,
Ak şäherim Aşgabadym!
Elde galam, dilde senam
Kalpda buýsanç egsilmejek.
Ak mermerden beýik binam,
Ak şäherim Aşgabadym!
Bägül MERDANOWA,
Türkmenistanyň Daşary işler ministrliginiň
Halkara gatnaşyklary institutynyň I ýyl talyby.
Teswirler