Gahryman Arkadagymyzyň başda durmagynda ýurdumyzda milli ykdysadyýetimizi diwersifikasiýalaşdyrmak, elektron senagatyny kommunikasiýa tehnologiýalarynyň soňky gazananlaryna esaslanýan ösen ykdysadyýeti kemala getirmek boýunça netijeli işler alnyp barylýar. Hormatly Prezidentimiziň durnukly ykdysady ösüşiň binýady hökmünde innowasion tehnologiýalaryň ornaşdyrylmagy, sanly ykdysadyýetiň döredilmegi ugrunda edýän taýsyz tagallalary netijesinde ýurdumyz ösüşiň täze belentliklerine çykýar.
Sanly ykdysadyýet sanly platformalara esaslanýan görnüşde bolup, maglumat kommunikasiýa tehnologiýalary barlaghanalarynda kompýuter programmalary, önümçiligi awtomatlaşdyrmagyň innowasion usullary işlenip taýýarlanylýar. Sanly platforma—bu sarp ediji bilen öndürijiniň arasynda göni gatnaşygy ýola goýmak arkaly dürli hyzmatlary
ýerine ýetirmegiň tehnologiýalary, usullary we programma üpjünçiligidir. Sanly platformalaryň ösmegi bilen, hödürlenýän hyzmatlaryň görnüşleriniň artmagy esasynda
sanly transformasiýa hadysasy ýüze çykýar
Sanly ykdysadyýetiň özeni maglumat aragatnaşyk tehnologiýalary bolup, ol özüne dünýäde iň çalt depginde ösýän tehnologiýalary jemleýär. Sanly ykdysadyýetiň adamlaryň durmuşynda ýokary dereje ornaşdyrylmagy netijesende ägirt uly maglumatlaryň üstünde dürli görnüşli seljermeleri ýerine ýetirip bilýäris. Aragatnaşyk tehnologiýalarynyň kömegi bilen biz “Akylly öýleri” gurmak mümkinçiligini gazanýarys. «Akylly öý» bolup geçýän hadysalara gözegçilik edýän we öý enjamlarynyň bir gurluşy ýaly dolandyrylýan ulgamdyr. Mobil telefonymyzdaky programma üpjünçiliginiň kömegi bilen biz öýdäki enjamlary işledip bilýäris. Meselem, nurbatdan suw syzsa ýa-da ýangyn dörese, tiz wagtda habar bermek, öýde adamlaryň bardygyny ýada ýokdugyny anyklamak gapylary awtomatik usulda açmak we ýapmak işlerini islendik ýerden ýerne ýetirmek mümkinçiligi bar.
Şeýlelikde, sanly ykdysadyýeti üsdürmekde daşary ýurtlaryň birnäçesinde toplanan tejribeleriň öwrenilmegin, bir tarapdan, ylym we bilim ulgamynyň düýpli özgerdilmegini,elektron senagatyň depginli ösdürilmegini talap edýär. Beýleki tarapdan halkara bilermenleriň nygtamaklaryna görä, tehnologiýalara bolan baglylygyň aşa artmagy, şeýlede maglumatlary gorap saklamak meselesi bilen baglylykda giberhowpyň artmagy bell ibir derejede töwekgekçilikleriň ýüze çykmagyna getirýär. Şol sanlyda sanly ykdysadyýeti ösdürmegi meýilleşdirýän döwletler sanly ykdysadyýetiň şeýle täsirlerine berk gözegçilik etmelidir.
Umuman aýdylanda sanly ykdysadyýet – ýagty gelejegiň aýdyň binýadydyr.
.
Aýbölek ÝAZJUMAÝEWA,
Döwletmämmet Azady adyndaky
Türkmen milli dünýä dilleri institutynyň talyby.
Teswirler