Sazyň Jadyly Gurşawynda Bir Agşam Aşgabadyň galkynyşly merkezinde, Maýa Kulyýewa Adyndaky Türkmen milli konserwatoriýamyzyň “Uly Zalynda” geçirilen bu konsert, diňe bir sazlaryň ýaňlanmagy däl, eýsem türkmen ruhunyň döwrebap saz görnüşleri bilen täzeden janlanmagy boldy. Maksatnama gadymy topragymyzyň sesini fortepiano, saksofon we kirişli saz gurallar orkestr bilen utgaşypdyr, diňleýjini wagtyň we giňişligiň ötesindäki syýahada çykardy.
Ajaýyp konsert “Şarlaryň biri meniňki…” diýen duýgy bilen başlandy. Bu jumle diňe bir aýdymyň däl, eýsem tutuş agşamyň ruhyny özünde jemleýär. Çagalar we diňleýji arasyndaky bu göze görünmeýän baglanyşyk, zehinli çagalaryň ýerine ýetirmeginde hakyky sungat baýramyna öwrüldi.
Konsertiň başyndaky şol “şatlykly” başlangyç, meýilnamadaky “Ezizim” aýdymy bilen dowam etdi. Atajan Taganyýewiň sözlerine ýazylan bu eser, soprana Merjen Hojaberdiýewanyň belent owazynda diňleýjileriň kalbynda ýol tapdy. Maksatnamadaky el ýazma bellikler bu agşamyň diňe bir resmi çäre dälde eýsem durmuşyň iň süýji pursatlarynyň saza owrülen pursadydygyny subut etdi. Italmaz Nuryýewiçiň goşgysyna ýazylan “Sensiz” eseri, Aýnur Gurbanowanyň (soprano) we Ogulşan Nepesowanyň (fleýta) ussatlygynda has-da çuňlaşdy. Şaislam Komiljanowyň fortepianodaky sazy bu duýgy dünýäsini bitewi bir sazly hekaýata öwürdi. Her bir nota, diňleýjini öz ýüregindäki iň näzik duýgularyna seslendi.
Şaislam Komiljanowyň ýerine ýetiren “Körpelere” atly fortepiano toplumy, konserte öz boluşlu reňk goşdy. “Mähriban heň” we “Jaňly sagat” ýaly nbölümler çagalara mahsus päkligi we şatlygy beýan etse, “Noktürn” bölümi agşamyň asudalygyny has-da täsirli kyldy. Şeýle heň, fortepiano üçin ýazylan 2-nji Sonatanyň III bölümi, nusgawy sazynyň türkmen zehini bilen nähili kämilleşip bilýänligini görkezdi.
Şeýlede konsertiň dowanda öz boluşly konpozitoryň ýazan “Ogulbeg” atly trio (sasofon, skripka we fortepiano üçin) sazy ilkinji gezek konsertde owazlanyp diňleýjilere ýetirildi. Konsertde halanan eserleriň biri hem “Begler” esewri boldy. Gargy tüýdükde Wepa Ödäýewiň ussatlygy we Nury Muhyýewiň dirižýorlygyndaky kamera orkestri, milli mirasymyzyň düýä derejesindäki ajaýyplygyny ýene bir gezek dabaralandyrdy.
Konsertiň iň gyzykly pursatlarynyň biri, tanymal kompozitor Suhan Tüýliýew bilen geçirilen söhbetdeşlik boldy. Söhbetdeşlikde Suhan mugallym eserleriniň döreýiş taryhy, türkmen milli sazynyň dörebap orkestri bilen sazlaşygy barada gymmatly pikirlerini paýlaşdy. Maksatnamadaky el bilen ýazylan şol birje jümle – “Şarlaryň biti meniňki…” – aslynda tutş konsertiň özeni boldy. Maýa Kulyýewa adyndaky Türkmen milli Konserwatoriýasynyň bu agşamy, sungatyň diňe bir tehnika däl-de, eýsem uly bir ynsan perwwer şatlykdygyny subut etdi. Bu agşamda ýaňlanan her bir owaz, türkmen medeniýetiniň geljege tarap urýan gadamlarydyr. Biziň medeni mirasymyzyň dünýä ýüzünde dabaralanmagy, ýaz zehinleriň kemala gelmegi we sungat işgärleriniň döredijilikli zähmet çekmegi üçin döredilen ähli mümkinçilikler döwletimiziň medeniýet syýasatynyň miwesidir, Türkmenistanyň milli saz sungatyny ösdürmäge, medeni gymmatlyklarymyzy gorap saklamaga we ony geljekki nesillere ýetirmäge berýän uly ünsi hem-de çäksiz goldawy üçin Hormatly Prezidentimize çuňňur minnetdarlygymyzy we alkyşlarymyzy beýan edýäris. Goý, türkmen sazyň belent owazy dünýäniň çar künjeginde parahatçylygyň we dostlugyň nyşany bolup ýaňlansyn!
Rozaý MYRATJANOWA,
Maýa Kulyýewa adyndaky
Türkmen milli konserwatoriýasynyň
“Sazşynaslyk” hünäriniň II ýyl talyby.
Teswirler