Türkmenistanyň «Galkan» hokkeý kluby Aşgabatda geçirilýän halkara ýaryşynda, şu gün ýaryşyň 4-nji tapgyrynda Özbegistanyň «Feniks» toparyny 9:1 (3:0, 4:0, 2:1) hasabynda ýeňip, finala çykdy.
Yzly-yzyna 4-nji ýeňşini gazanyp, Türkmenistanyň 8 gezek çempiony bolan «Galkan» hokkeý kluby 12 utuk gazandy we «A» toparçada möhletinden öň 1-nji orny eýeledi.
«Galkanyň» final oýny boýunça bäsdeş topary 19-njy aprelde ― «B» toparçadaky ýaryşlaryň jemleýji gününde belli bolar. Bu toparçada 1-nji orna dalaş edýänler «ADIHIC-Kazan» (RF, Tatarystan Respublikasy), «Volat» (Belarus) we «Akmola» (Gazagystan) toparlarydyr.
Teswirler