Lebap welaýat Taryhy we ülkäni öwreniş muzeýiniň hünärmenleri tarapyndan ilatyň arasyndan gadymy mirasymyza degişli maglumatlary ýygnamak işleri yzygiderli geçirilýär.
Muzeý işgärleri gadymy ýadygärliklere, ýer-ýurt atlaryna we däp-dessurlarymyza degişli dürli rowaýatlary, milli mirasymyz bilen baglanyşykly maglumatlary toplap, olary ylmy taýdan seljerýärler. Iş saparlarynyň dowamynda senetçiler tarapyndan ýerine ýetirilen zähmet gurallary, eli çeper gelin-gyzlaryň sünnäläp bejeren amaly-haşam sungatyna degişli eserler ýygnalyp, muzeýiň gaznasyna tabşyrylýar. Ýygnalan gymmatlyklaryň arasynda çarwadarçylyga, bagbançylyga we ekerançylyga degişli enjamlaryň we maglumatlaryň agdyklyk edýändigi aýratyn bellärliklidir.
Teswirler