2022-nji ýylda geçiriljek dünýä çempionatynyň saýlama tapgyrynyň çäginde Türkmenistanyň milli ýygyndysy Liwanyň ýygyndy toparyndan 3:2 hasabynda üstün çykdy. “H” toparçanyň çäginde geçen duşuşyk Koreýa Respublikasynyň Goýang şäherinde geçirildi.
Türkmenistanyň milli ýygyndysynyň düzümindäki Zafar Babajanow (59-njy minut), Güýçmyrat Annagulyýew (85-nji minut) hem-de Altymyrat Annadurdyýew (90+1) dagy tapawutlandy. Liwanyň gollaryny R.Ataýa (73-nji minut) bilen S.Saad (75-nji minut) öz atlaryna ýazdyrdylar. Türkmenistanyň ýygyndysy duşuşyklaryndan toplan 9 utugy bilen toparçada üçünji orny eýeledi.
Koreýa Respublikasynyň ýygyndysy 4 oýunda jemi 10 utuk toplap “H” toparçada birinji orny eýeledi. 10 utugy bolan Liwanyň ýygyndysy ikinji, alty oýunda 9 utugy bolan Türkmenistanyň ýygyndy topary üçünji orunlary eýeleýärler. Geçiren duşuşyklarynda utuk toplap bilmedik Şri-Lankanyň ýygyndysy soňky orunda ornaşdy. “H” toparçanyň duşuşyklarynyň ählisi Koreýa Respublikasynyň Goýang şäherinde geçirildi.
Myratberdi NYÝAZBERDIÝEW,
Döwletmämmet Azady adyndaky
Türkmen milli dünýä dilleri
institutynyň talyby.
Teswirler