Berkarar döwletimiziň bagtyýarlyk döwründe Hormatly Prezidentimiziň ýolbaşçylygynda ýurdumyz uly üstünliklere beslenýär. Hormatly Prezidentimiziň alyp barýan toplumlaýyn, umumy göwrümli we uzak möhletleýin, geljegi nazarlaýan parasatly ekologiýa syýasaty türkmen jemgyýetiniň ösüşini sazlaşdyrmaga, ýaşlaryň sagdyn-arassa ruhubelent mirasdarlarymyzy ýetişdirmäge gönükdirilendir.
2021-nji ýylyň 5-nji martynda Türkmenistanyň Tebigaty goramak jemgyýetiniň Ýolbaşçy edarasynda 8-nji mart-Halkara zenanlar güni mynasybetli “Güller gözelligi sizden öwrener” ady bilen baýramçylyk dabarasy geçirildi. Dabarada Jemgyýetiň Ýolbaşçy edarasynda uzak ýyllaryň dowamynda ak ýürekden zähmet çekýän zenanlara, gelin-gyzlara Hormatly Prezidentimiziň adyndan pul sylaglary we Türkmenistanyň Tebigaty goramak jemgyýetiniň adyndan gymmat bahaly sowgat gowşuryldy. Baýramçylyk dabarasynda olara çekýän gujur-gaýratly zähmeti üçin minnetdarlyk bildirilip, berk jan saglygy, maşgala abadançylygy we mundan beýläkde işde egsilmez üstünlikleri gazanmaklaryny arzuw edildi.
Mähriban halkynyň aladasyny ilkinji orunda tutýan, bize işlemäge ýaşamaga gowy durmuşy peşgeş eden Hormatly Arkadagymyza berk jan saglygyny, uzak ömür, sebitde we tutuş dünýäde parahatçylygyň we ynsanperwerliginiň dabaralanmagyna gönükdirilen beýik işlerinde ägirt uly üstünlikleri tüýs ýürekden arzuw edýäris.
.
Bäşim Muhyýew,
Türkmenistanyň Tebigaty goramak jemgyýetiniň
Ekologiýa we ylym bölüminiň hünärmeni.
Teswirler